力行社沙田城門河皇者之戰賽後包膠

原先諗住搏時間，可惜落雨、加上澳門全馬之後狀態好似未完全回勇，最後決定都係頭6km留住力跑，上到梅子林頂至決定加唔加上去，比賽初段照原計劃咁跑，點知跑到頂可能已經慣左個pacing、加上地滑，都係keep住去算，搞到好似跑全馬咁。

過左雙子橋入單車徑見到手錶個pacing徘徊4’53-4’54/km之間，於是決定under 1’45算，無謂搏(事實係都加唔到上去)，睇落都幾穩陣，於是試下加少少速，搏1’42-1’43個時間靚仔少少，就跑到我隻錶15km果陣，原來要再跑多1-200m至見到大會15km果塊牌，果陣時間1’14’27，頂！原來我隻錶都係差1-200m，仲以為穩under1’45，原來都炆炆水，於是再俾d力，入到運動場都知sub 1’45冇問題都唔再爆，就係咁到最後1’44’35衝線。時間一定唔係好架喇！始終都係跑唔返舊年既pb 1’39。

除左梅子林一段、同埋頭1km有力快少少之外，其他路段既pacing都算平均，頭10k都係49分幾，個感覺搞到我好似跑緊全馬咁，用力控速係一樣，完全冇咩分別，下場到西貢5k希望再跑好d。