係屋企做左hip active,遲左加上無睇住時間，寄完行李已經無時間做full set warm up drill，上線盡行前，塞左2分鐘先跑。
擔心太凍，今朝高番2度，上線等緊已經除左雨褸暖包，手袖好有用，再用綿手套，岩岩好。
因為多人，頭5K都跑得唔快，好事，keep住62x。未跑之前set 4:15完，即係6'02，其實set高左，平時練都係6'15，算，咩都試下，照番之前plan，30k前留力，有力再放。
但跑跑下，心諗當我30k前留力到6"15，要415，之後10K要540，真係冇咩可能，所以我最後隨心，上斜唔好太谷，落斜快多少少去追。
9年前都唔係幾記得條路，上到昂船州大橋先知個上斜咁長，約1K(10K位)，avg645，之後落斜再入南灣隧道暗落順住走540追番好多時間。黎到汀九折返幾個U turn到21K，當中有上又落既斜都幾辛苦，但pacing已經慢慢上到avg615。再黎既長青隧道2K暗落忘我走538。係入西隧前個7K係最漫長，加上條路向左或右斜，腳碗好唔舒服，照忍住跑，pacing已經上到6分。係西隧上斜(好多人慢左)去到橋上面其實都無減到(仲追到ivey keep same pace上橋停十幾秒影相)，比我想像好，keep 6分，但之後落橋去ifc段太多人7分。之後都keep住6分內有位放就放，希望爆埋佢，last衝終點摺腳做好姿勢5分內。
傷痛方面今次班好朋友冇黎搵我，新朋友左足都有時刻伴隨但冇搞我。係係過左長青之後左右斜個part令到左足外側好唔舒服，頂住跑，而由20k開始左腳趾外側都痛，以為會起水泡，最後又冇wor；另外左hamstring今次係有感覺拉扯，內收今次比起之前LSD更好，反而最酸痛係內4頭肌，跑到30k已經有感，愈跑愈痛，當然係接受到，所以係開心既。當日跑完同埋之後2日都係4頭痛。
今次可以冇停過(除左入廁所再加同ivey自拍分半鐘)已經好開心，超哂額完成，我只得北九州同今次係冇停過。同埋做到後半快過前半已經係我代表作，當中去到龍和道已經覺得持續跑既感覺可能就係咁。
下個目標，sub 4渣馬, 450其他馬